Statuts dalla Cuminonza romontscha Flem

​

La Cuminonza Romontscha Flem (CRF) ei l’organisaziun locala dils Romontschs da Flem e dils amitgs da quei lungatg. Ella ei confessiunalmein neutrala.

 

I. Intent

Igl intent dalla CRF ei da mantener e da promover il lungatg romontsch sin plaun communal, en scola, ellas baselgias, ellas uniuns ed ella veta da mintgadi dalla vischnaunca da Flem.

  

II Commembranza

La CRF ha commembers singuls, commembers famiglias e commembers collectivs (uniuns, societads e gremis ufficials). Ils commembers dalla CRF sustegnan sias activitads culturalas mintgamai tenor lur pusseivladads.

  

Ils commembers singuls e famiglias pagan ina contribuziun annuala fixada dalla radunonza generala. Ils commembers collectivs sustegnan la CRF secund lur pusseivladads finanzialas.

  

III. Organs

Ils organs dalla CRF ein: 1) la radunonza generala, 2) la suprastonza, 3) la gruppa da lavur, 4) il revisurat.

  

1. La radunonza generala

Ella ha liug ina gada ad onn. Tut ils commembers han il medem dretg da vuschar. Ils commembers collectivs delegheschan in/a representant/a cun dretg da vuschar.

  

Las incumbensas dalla radunonza generala ein:

a) da deliberar il rapport annual dalla suprastonza

b) d’approbar il quen annual

c) d’eleger mintga dus onns il parsura, igl actuar, il cassier, dus assessurs e dus revisurs            

 

La suprastonza presenta il program d’activitads ed il preventiv alla radunonza

d’activitads generala.

 

2. La suprastonza

La suprastonza secumpona dil parsura, digl actuar e sch'igl ei pusseivel dad in tochen treis assessurs.

Ella seraduna tenor basegns.

Ella ei responsabla per la realisaziun dallas activitads previdas.

Ella dispona dils mieds finanzials e renda quen alla radunonza generala.

 

 3. La gruppa da lavur

La gruppa da lavur secumpona dalla suprastonza, da delegai dils commembers collectivs e da persunas singulas che s’engaschan en favur dil Romontsch. Ella stat aviarta a mintgin/a che vul collaborar. Ella seraduna tenor basegns.

Ella cusseglia la suprastonza e propona activitads alla CRF.

 

4. Il revisurat

Ils dus revisurs revedan mintg’onn il quen dalla CRF e rapportan a scret leusura per mauns dalla radunonza generala.

 

IV. Ils mieds finanzials

Quels derivan da contribuziuns annualas dils commembers, da contribuziuns d’instituziuns, da recavs d’atgnas acitivitads e da donaturs.

  

V. Midadas da statuts

Ils statuts dalla CRF pon vegnir midai cun la maioritad da 2/3 dallas vuschs presentas a la radunonza generala.

 

VI. Sligiaziun dalla CRF

La CRF po vegnir sligiada cun ina maioritad da 2/3 dallas vuschs presentas

a la radunonza generala. En quella radunonza vegn era priu decisiun tgei che ha da succeder cun la facultad.

 

VII. Approbaziun dils statuts

Quels statuts ein vegni approbai dalla radunonza generala dils 14 da mars 2017.

  

Il parsura                                                   Igl actuar

Hanspeter Meiler                                       Giosch Gartmann